بغداد (بین الاقوامی خبرنامہ): تاریخ کے اوراق میں ایک نہایت المناک باب اس وقت رقم ہوا جب عراق کے سابق حکمران صدام حسین نے جنگ کے ایّام میں امریکہ پر بھروسہ کیا۔
ذرائع کے مطابق جنگ کے دوران جب عراقی فوج پسپائی اختیار کر رہی تھی، تو امریکہ نے صدام حکومت کو فوجی انخلاء (Military Withdrawal) کے لیے مخصوص شاہراہ کو محفوظ قرار دینے کی ضمانت (Guarantee) دی۔ تاہم جب عراقی فوج اس راستے سے پیچھے ہٹ رہی تھی، تو امریکہ اور برطانیہ کے جنگی طیاروں (Warplanes) نے نہایت سفّاکی کے ساتھ ان پر بمباری کر دی۔
یہ اندوہناک منظر تاریخ میں "شاہراہِ موت" (Highway of Death) کے نام سے یاد کیا جاتا ہے، جہاں تقریباً دو ہزار عراقی فوجی ہلاک ہوئے اور سینکڑوں فوجی گاڑیاں، ٹینک اور ساز و سامان خاکستر ہو گئے۔
تاریخ گواہ ہے کہ یہ واقعہ اس اعتماد (Trust) کا شاخسانہ تھا جو صدام حسین نے امریکہ پر کیا۔ آج بھی جو قوم یا قائد امریکہ کی ضمانتوں پر تکیہ کرے، وہ اسی انجام سے دوچار ہونے میں زیادہ دیر نہیں لگاتا۔
